الاغنيه : مسيره يرد

كلمات : عبدالامير عيسى ....... الحان: محمد شفيق

مسـيـره يـــرد
مسيره لاذِكر يشتـاق
مِسـيـر الـــود
يردِّه مِن بعد الفـراق
حبيبي وأعرِف أطباعه
وزعله مايدوم ساعـه
عَليه ولهان و شوقي لَه
على عيوني الحزينه بان
أنا بليِّاه جزيرة شـوق
شُواطيها بلا عِنـوان
حبيبي الطيب يبيَّن فيه
وشاري دِنيتي بعمـره
على طبعِ الوفا مربَّيـه
وعليه ماترخص العِشره
تمر ذِكراه على الخَاطِر
وأصبَّر شوقي المِلتـاع
على دروبه أنا ناطـر
حبيبي شاري مو بيَّاع
أكيد إنه علَّي ولهـان
مِثل ما أنا عليه ملهُوف
أحبَّه وحُبّي له عِنوان
أصيل ويذكر المَعروف